İyulun 6-da Türkiyənin paytaxtı Ankarada taekvondo üzrə açıq Türkiyə çempionatı start götürəcək. 4 gün davam edəcək G-2 kateqoriyalı yarışda Azərbaycan gənclərin və yeniyetmələrin mübarizəsində qüvvəsini sınayacaq. 

Gənclərdən ibarət komandanın baş məşqçisi Məmməd Abdullayev və böyük məşqçi Zahid Məmmədov qardaş ölkədə 12 oğlan və 10 qız taekvondoçuya şans verəcək. Yarışda dayanq üzərinə Məhəmməd Həsənli (48 kq), Fuad Məhərləmli, Bahadur Dostuyev, Aydın Süleymanov (hər üçü 51 kq), Ramil Əsədov (55 kq), Vasif Səlimov, Marat Məmmədov (hər ikisi 59 kq), Vüqar Bağırov (63 kq), Rəvan Məmmədov, Yunis Hüseynov (hər ikisi 68 kq), Elcan Əliyev, Hüseyn Xudiyev (hər ikisi 73 kq) Firəngül Abbaszadə, Səlimə Quliyeva (hər ikisi 42 kq), Selcan Ağazadə, Zemfira Həsənzadə (hər ikisi 44 kq), Seyidxanım Məmmədova (46 kq), Banu Quliyeva (49 kq), Səadət Abbasova (55 kq), Nigar Abdullayeva və Nərgiz Kazımova (hər ikisi 59 kq) çıxacaqlar. 

Yeniyetmələrdən ibarət komanda çempionatda baş məşqçisi Rəşad Məmmədov və böyük məşqçi Vurğun Cəfərovun rəhbərliyi altında 8 oğlan və 8 qız idmançı ilə çıxış edəcək. Məşqçilər korpusu turnirdə İlknur Alimov (148 sm), Xəzər Həmidov, Nuray Sultanova, Zəhra İsayeva, Leyla Kərimova (hamısı 152 sm), Anar Abdullazadə, İlyas Hətəmli, Novruz Əliyev, Humay Dadaşova, Şəms Əlizadə (hamısı 160 sm), Əliheydər Quliyev (164 sm), Nülufər Borji, Fatimə Həsənova, Narın Həsənova (hər üçü 168 sm), Mətləb Əliyev (172 sm) və Tamerlan Yaqubovu (180 sm) sınayacaq. Həmçinin "Qafqaz" Taekvondo Klubun baş məşqçisi Sənan Həşimovla yetirməsi Aylin Mahmudova (160 sm), "Kövsər" Taekvondo Klubun idmançısı Əminə Məmmədova (164 sm) da medallar uğrunda yarışacaq.

Səfərə yollanan komandalara ümumi rəhbərliyi Taekvondo Federasiyasının vitse-prezidenti Niyaməddin Paşayev edəcək. 

Yarışlarda ATF-in baş hakimi, beynəlxalq dərəcəli hakim Gündüz Abdullayev, Aygül Abdullayeva, Ramal Camalov və Coşqun Nadirov ölkəmizi təmsil edəcək.

Qeyd edək ki, “Taha Akgul Spor Salonu”nda keçiriləcək yarışda 1429 idmançı qüvvəsini sınayacaq.